ايوة فعلا عنوان مستفز لكن يا ريت نبطل تسرع ونحاول تقبل كل الأراءونفكر بهدوء واتزان ونخلي الشتيمة للاخر وبناء عليه لازم اوضح ان الفكرة الاساسية اللي عايزة اطرحها هي ان إذا اراد الشعب والجيش ان ينجحوا فلابد ان يستجيب القدر ولازم نطرح علي نفسنا عدة تساؤلات اولها يا تري قبل ٢٥ يناير اللي كان بيفكروا ان ممكن ثورة تحصل كان عددهم كام ؟؟؟؟؟وبعدين ارجعوا لأرشيف الجرائد الخاصة سواء مستقلة او معارضة هتلاقوا كام واحد كان بيقول كلمة الحق ؟؟ انا اقدر اعدهم علي اصابع اليد الواحدة وجملة مصر مش تونس كانت ماشيه علي كل لسان الا من رحم ربي وبعد ما بدأت الثورة كان الرهان من أول يوم علي الجيش ومهما اختلفنا معاه منقدرش ننكر انه كان خط الدفاع الأول عن الثورة واللي مش عاجبه الكلام يحاول يتخيل السيناريو البديل ويا تري كان زماننا خلصنا ثورة ولا لسة و بالتالي موضوع الفيديوهات اللي نازلة زي السيل عن الحرس الجمهوري وموقعة الجمل وحكايه ان الجيش كان بيحمي البلطجيه وانه مش ايد واحده مع الشعب وكل الكلام اللي شبه كده تفتكروا هيوصلنا لفين ؟؟؟؟ احنا ربنا كرمنا ووقف معانا ولكن ازاي لازم نعمل شغل عالي كل يومين تحصل حاجة ونقتلها بحث والدنيا تقوم ومتقعدش والعلاقة تتعقد مع الجيش اكتر واكتر بدون داعي والحل الوحيد هو الجهل مش بمعناه العام ولكن بمعني نسيان الماضي والأخطاء من الطرفين ونبدأ حوار متبادل مع الجيش بكل هدوء واحترام للوصول لبر الامان وتذكروا ان قادة الجيش اختاروا الشعب مع انها مخاطره وده يخلينا نسامح علي الأخطاء الغير مقصوده وتكون اعقل من كده علشان نوصل بمصر لبر الامان ..
